Wikang Iluko itataguyod sa Ilocos Sur

Ben P. Pacris

 

VIGAN CITY –  Maitataguyod ang wikang  Iluko sa mga sesyon ng Sangguniang Panglalawigan para mapausbong at mapreserba ang sariling wika ng mga Ilocano maliban sa wikang pambansang Filipino at pandaigdigang wikang Ingles.

Sa ilalim ng naipasang resolusyon, hinihiling din ang pagsalin ng mga ordinansa at resolusyon sa Ilocano mula sa wikang Ingles. Ang resolusyon ay inaprobahan ng mga kasapi ng provincial board na pinamunuan ni Bise- Gobernador Deogracias Victor “DV” Savellano, na siya ring may-akda ng naturang resolusyon.

 Ayon kay Savellano, nararapat lamang na gumamit din ng Iluko ang mga bokal sa kanilang mga session  para maitaguyod ang  “mother tongue.”

Sumang-ayon din ang mayorya ng mga miyembro ng Sangguniang Panglalawigan sa naturang panukala ngunit may kanya-kanyang karagdagang mungkahi para lalong magtagumpay ang implementasyon nito.

Sinabi ni Bokal Jeremias Singson, chairman ng  Committee on Finance, na ang problema lang ay ang kulang ang mga staff ng Provincial Board na in- charge sa translation mula English hanggang Iluko sa lahat ng mga maaprobahang resolusyon o ordinansa.

“Kaya dapat mag- hire  ang provincial board ng mga karagdagang staff na Iluko translators,” dagdag ni Bokal Singson.

Para kay Bokal Edgar Yabes, dating alkalde ng Sinait, pabor din sya sa apaggamit ng Iluko sa mga sessions ng provincial board para mapaunlad ang  wika ng mga Ilokano lalo na ngayon na  halo-halong Filipino at English ang ginagamit ng mga estudyante o kabataan pati mga bata sa pagte- text sa kanilang cellphone.

Sinabi naman ni Bokal Pablito Sanidad  Jr., chairman ng Committee on Public Information, na dapat lang maglaan ang provincial government ng isang buwan na selebrasyon ng “Buwan ng Wikang Ilokano” tulad ng “Buwan ng Wikang Pambansa” sa Agosto.

Para kay Bokal Singson nararapat ding itapat ang pagdiriwang ng Wikang Iluko sa Pebrero na kung saan ipinagdiwang ang  “Kannwidan” Festival  o “Buwan ng Kultura at Tradsiyon”  para maisabay sa mga activities na mailulunsad.

Samantala, pabor din ang “Gunglo Dagiti Mannurat nga Ilokano” (GUMIL) – Ilocos Sur Chapter  o  “Ilocano Writers Association of Ilocos Sur” na pinamumunuan ni Dr. Ed Angco sa naturang panukala “dahil malaki ang naitutulong nito sa pagpapaunlad, pagtataguyod at pagpreserba sa wikang Iluko na ito ang pangunahing adhikain ng GUMIL- Filipinas.

Naglulunsad ang GUMIL Filipinas, na may asosasyon pa sa Hawaii, at California, USA,  ng mga paligsahan sa pagsulat ng maikling kuwento, tula at sanaysay sa Iluko maliban pa sa paglilimbag ng mga aklat  na kalakip ang mga obra-maestra o nanalong akda ng mga dalubhasang manunulat na Ilokano. (MCA/BPP/ PIA 1- Ilocos Sur)

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s