Ilocano news: Manamnama ti naurnos a panagbobotos babaen ti tulag kappia ti ili ti Ilocos Sur

Lidlidda, Ilocos Sur, Mayo 2 (PIA) — Namnamaen dagiti agindeg ti naurnos a panagpipili inton Mayo 13 ditoy nga ili.

Daytoy ket inyebkasda kalpasan ti panagperma dagiti kandidato ti eleksion a mangikarkari ti panagtutunosda ken panagtalinaay ti kappia iti lugarda.

Daytoy ti naammuan manipud ti Timek ti Amianan, ti periodiko dagiti Katoliko iti probinsia.

Maysa a forum ti naangay kalpasan ti panagpipirma idi Abril 6 iti parokia ti ili. Inyam-ammo dagiti kandidato dagiti bagida, ken inlawlawagda ti platapormada nga agserbi iti gobierno. Kasta met dagiti banag maipanggep ti biag ken situasion dagiti agindeg.

Dagiti nangsaksi kadaytoy a pasken ket da Victoria Ramos, hepe ti Department of Interior and Local Government (DILG), Augusto Cabello Jr, hepe ti local a Philippine National Police (PNP), ti nangibagi ti Comelec, pastores dagiti sabali a sekta, ken dagiti agindeg.

Ti panagpirma ti katulagan ti kappia ken ti panagkaykaysa dagiti kandidato ket pinagtitinnulongan da, Fr Reynaldo Rebebes, kura paruko; Fr Rosmel Cairel ti Parish Pastoral Council for Responsible Voting (PPCRV); kenni Sr Lilian Carranza, OSB, ti PPCRV ken National Movement for Free Elections (NAMFREL).

Daytoy ket indaulluan dagiti kandidato para mayor ti ili a kas kada Jesus Sagay ti Nationalist People’s Coalition, Constante Segundo Sr of the Liberal party, ken Sherwin Tomas ti Bileg.

Nagsanay met iti daytoy nga aldaw dagiti volunteers ti PPCRV-NAMFREL babaen kenni Sr Lilian. Nasursuroda dagiti nagduduma a pagrebbenganda a mangsalluad kadagiti botos tapno agbalin a nadalus, nalinteg, naurnos ken addaan ti kappia ti panagbobotos no Mayo 13. (CA/ICR/PIA-1)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s