Ilokano news: Tagudin ti Ilocos Sur, tsampion ti ‘good governance’ iti rehion Ilocos

TAGUDIN, Ilocos Sur, Abril 10 (PIA) — Tsampion daytoy nga ili iti rehion ti Ilocos ti kapipintasan nga aramid iti pannakamanehar ti gobierno local. Daytoy ket inted ti Ilocos Region Development Council itay Marso, segun iti opisina ti Mayor.

Inabakna pay ti tallo a kategoria kas maikaddua iti intero a rehion ti Ilocos iti Most Oustanding Local Government Unit (LGU) a Coastal Resource Management System Implementer, kasta pay a Best Performing LGU maibasar iti Local Governance Performance Management System (LGPMS). Maikatlo met iti Cleanest, Safest ken Greenest LGU iti rehion.

Nagtsampion ti ili iti Best Practices of Local Governance gapu iti programana a BFPP-RANGTAY. Daytoy ti Barangay Focal Persons Program: Responsive Assistance through Networked Governance for Transparency and Accountability for Yntegrative Services. Daytoy a pammadayaw ket bigbigbigenna ti mapagwadan a naaramidan ti gobierno ti munisipio a mangidurduron ti napintas, kabarbaro ken epektibo a pannakamanehar dagiti proyekto ti ili.

Gapu kadaytoy a ballaigi ti ili, indatag ti mayor ken ti gobierno municipal ti tropeo kas tsampion iti barangay Dardarat idi Abril 1. Aggian ti tropeo ditoy iti makalawas. Daytoy ti panangbigbigna kadagiti 43 a barangay, kadagiti umili, a nangitandudu kadaytoy napintas a programa ken aramid ti gobierno municipal.

Ti Tagudin ket maaw-awagan a “Gateway to Ilocandia” gapu ta isu ti kaunaan nga ili ti Ilocos Sur kalpasan ti probinsia a La Union. Isu pay ti “Pearl of the Great Amburayan River” gapu ta daytoy ket adda iti bakrang daytoy dakkel a karayan. (MCA/ICR/tagudin.gov.ph-PIA1 Ilocos Sur)

 Tags:
 Number of Comments:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s