Ilokano news: Kalakaan nga internet maipaay kadagiti estudiante ti Ilocos Norte

SIUDAD TI LAOAG, Peb. 19 (PIA) — Maragsakan dagiti estudiante kadagiti nagduduma a pagadalan iti probinsya gapu iti naananayen a panaglukat iti napabaro nga Information Hub wenno i-hub a masarakan iti Ilocos Norte Centennial Arena iti Siudad ti Laoag.

Ti i-hub ket maysa a multimedia library no sadinno ditoy a masarakan dagiti libro ken magazines kasta metten dagiti naruay a computer nga umabot iti 200 a mabalin nga usaren dagiti estudiante para kadagiti proyektoda ken assignments.

Insigida a nagustuan dagiti estudyante ti i-hub gapu ta iti pito a pisos laeng mabalinen ti agusar iti internet iti uneg ti maysa nga oras.

Iti ngamin agdama, umabot iti 15-20 a pisos ti bayad ti internet kadagiti computer shops iti siudad ti Laoag ken iti probinsia.

“Dakkel a tulong para kanyami nga estudyante gapu ta saanen a masapul nga aggasto kami iti dakkel para laeng iti internet. Ad-adu payen ti maurnongmi a kuarta nga usarenmi para kadagiti daduma a pagkasapulanmi iti iskuela” kuna ni Mark Agcaoili, maysa a high school student.

Ti i-hub ket paset iti Sirib Mile project nga inrubuat ti gobierno probinsial idi Pebrero 8.

Mangnamnama ni Mrs. Jeanette Dials, mangidadaulo ti Education Department ti gobierno probinsial a babaen iti i-hub adadda pay a mapapintas ti kalidad ti edukasion iti probinsia.

Inbaga ni Dials nga agarup 12 a ribo nga estudiante ti mabenipisiaran ti i-hub gapu ta masarakan daytoy iti university belt, asideg ti Ilocos Norte National High School, Ilocos Norte College of Arts and Trades, Northern Christian College, Mariano Marcos State University ken daduma pay a pagadalan.

Masapul laeng nga agbayad iti 50 pisos a membership card tapno maka-avail ti maysa nga indibidual iti nalaka nga internet services.

Inlawlawag ni Mr. Donald Martin, empleado ti i-hub a ti 50 pesos a bayad ti membership card ket consumable wenno mabalin nga usaren a pag-internet.

Kunana a masapul laeng nga i-type iti computer ti username ken password a namaldit iti membership card tapno makausar iti internet.

Inabaga pay ni Martin a saan laeng a dagiti estudyante ti mabalin nga agusar kadagiti serbisio nga ipaay iti i-hub no di ketdi pati iti general public.

Ti i-hub ket nakalukat 8am-6pm manipud Lunes aginggana ti Biernes, ken manipud 8am-5pm iti Sabado. (MCA/APT-PIA1 ILOCOS NORTE)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s