Ilocano news: Uppat a naisangsangayan nga Ilocano napadayawan babaen ti 2013 Father Jose Burgos Awards

SIUDAD TI VIGAN, Ilocos Sur, Peb 20 (PIA) — Uppat a nasaririt nga annak ti Ilocos Sur dagiti pinadayawan ti gobierno probinsial iti naangay a 2013 Father Jose Burgos Awards idi Pebrero 2 diay President Elpidio Quirino stadium iti ili ti Bantay.

Ti nasao a programa ti pammadayaw ket naiyusuat kas paset iti Kannawidan Ylocos Festival.

Maysa kadagiti napadayawan ket ni Dir. Gen. Alan La Madrid Purisima nga tubo ti ili ti San Ildefonso, Ilocos Sur ken agdama nga hepe ti nailian a pulisia.

Kasta met a napadayawan pay ni Dr. Josefino Comiso, maysa a nalatak a sientista manipud ti National Aeronautic and Space Administration (NASA) iti Estados Unidos.

Naiyanak ni Dr. Comiso idi Septiembre 21, 1940 iti ili ti Narvacan. Namin tallo metten a daras nga immawat ni Dr. Comiso ti pammadayam manipud NASA (manipud idi tawen 1987, 1991 ken 1994) gapu iti laing na iti lubong ti siensia.

Karaman pay a napadayawan ket ti mabigbig nga abogado a ni Atty. Sonnatus Caesar R. Rojas manipud ti ili ti San Vicente ken ni Danilo Antalan, Carlos Palanca awardee manipud ti Siudad ti Candon.

Malaksid kadagiti uppat a napadayawan ti 2013 Father Burgos Awards, lima pay nga indibidual ti naipaayan ti special award manipud met laeng iti gobierno probinsial.

Maysa kadagiti naipaayan ti special award ket ni Mayor Carlos Asuncion ti ili ti Santa Catalina. Naipaay ti pammadayaw iti mayor gapu ti panakapili ti pamilyana kas Model OFW Family Presidential Awardee idi Disiembre, 2012.

Malaksid iti mayor, napadayawan pay ni Marcelo Peralta, maysa a Gawad Saka awardee iti Rehion Uno ken mabigbig a mannalon gapu iti panangusar na iti apro ti nuang ken baka kas natural a pestesidio kadagiti mulana.

Dagiti daduma pay a naipaayan ti espesial a pammadayaw ket da Divina Quemi ti Nueva Segovia Consortium of Cooperatives, Zenaida Pulido a president ti Ilocos Sur Federated Barangay Health Workers ken maysa a national awardee ti serbisio social, Justin Matthew Lapastora manipud Grade School Department ti Saint Paul College of Ilocos Sur ken winner ti International math Olympics.

Ti Father Jose Burgos Awards ket mangbigbig ken mangpadayawanna kadagiti kadagiti naisangsangayan nga Ilocano a nangted ti dayaw iti probinsia.

Naipangagan daytoy a pammadayaw kenni Padre Jose Burgos, maysa a martyr a taga Vigan, ken maysa kadagiti mangbukbukel ti GOMBURZA. Masarakan ti pagtaengan ni Padre Burgos iti likod ti Provincial Capitol ken napagbalinen daytoy a kas National Museum. (MCA/ICR – PIA1 Ilocos Sur)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s