Ilocano news: Lima ti nakaawat ti SIGLAT Hall of Fame Awards babaen ti gobierno probinsial ti Ilocos Sur

SIUDAD TI VIGAN, Ilocos Sur, Peb 21 (PIA) — Inted ti gobierno probinsial ti Ilocos Sur dagiti plake a mangpadayaw kadagiti lima a Hall of Fame awardees ti SIGLAT Awards bayat ti Kannawidan Ylocos Festival itay nabiit.

Nasustener dagitoy a lima a premiado dagiti programa ken proyektoda a nangyalat ti SIGLAT Awards iti tallo a tawen.

Bigbigbigen ken padpadayawan daytoy SIGLAT Awards dagiti nagappuanan a naisangsangayan dagiti barangay, grupo, pagadalan, ken lumugar iti probinsia gapu ti tulongda iti pannakapasayaat dagiti komunidadda ken ti probinsia, inlawlawag ti OSP.

Inabak ti Barangay Pug-os ti ili a Cabugao ti lima a premio babaen ti panangidaulo ti Kapitan ti Barangay a ni Arnold Yangat.

Dagitoy ket Best in Barangay Intensive Gardening, Barangay Herbary, in Innovative Practice, in Gender and Development Program Implementation, ken Most Child-Friendly Barangay.

Naited ti premio para ti “ best innovative practice” para ti programa ti barangay a “Better Nutrition through Green Revolution, the Barangay Way”. Masapul a manteneren ti kada pamilia ti bukodna a hardin dagiti natnateng.

Dagiti uppat pay a premiado ket ti Balidbid Rural Improvement Club ti ili a Salcedo, ti Suysuyan Farmers Association ti ili a Lidlidda, ti Barangay Calaoa-an ti Siudad ti Candon ken ti Pudoc Elementary School.

Ti Balidbid Rural Improvement Club ti nangiyalat ti Best Performing Non-Government Organization Hall of Fame Award, babaen ti Presidente Clarita D. Galazo.

Ti Suysuyan Farmers Association babaen iti presidentena, Eusebio A Ayyad, Jr, ket isu ti nangawat ti Oustanding Farmers Association of Ilocos Sur Hall of Fame Award.

Ti Barangay Calaoa-an ti Siudad ti Candon ket nakaawat ti duwa a premio – Best Peforming Barangay Hall of Fame Award, ken ti Outstanding Sangguniang Barangay Hall of Fame Award.

Ti Pudoc Elementary School iti Barangay Pudoc iti ili a San Vicente town ket isu ti nangiyalat ti Best Managed Elementary School in the Barangay Hall of Fame Award babaen iti prinsipal a ni Beatriz R. Riotoc. (CAICR//PIA1 Ilocos Sur)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s