locano news: Kuarta iti Basura: Proyekto ti Vigan para kadagiti awanan pagsapulan

SIUDAD TI VIGAN, Enero 30- Saan laeng a prioridad ti turismo ti Heritage City a maibilang a “Hall of Fame” kas “Cleanest and Greenest City” iti Ilokos, no di pay ti panangpataud ti pagtrabahuan manipud iti basura nga agbalin a kuarta.

Kinuna ni Mayor Eva Medina a mangisaysayangkat ti training ti Vigan Skills Training
Institute para kadagiti agtutubo nga awanan pagsapulan pakairamanan dagiti grupo ti babbai ken senior citizens “tapno makatulong a mamgpasayaat ti panagbiagda.”

“Manipud iti waste materials kas kadagiti daan a diaryo ken magazines mapagbalinda a rosario, bag ken paper mache décor items,” kinuna ti Alkalde. “Uray pay dagiti tumtumpaw a water lily iti karayan mapagbalinda a tsinelas wenno bag ken furniture,” innayonnna.

Naangayen ti dua a panagsanay iti Training Institute itay 2012 maipapan iti panagaramid ti rosario a mailako iti Vigan City a maibilang a relihioso a siudad a paborito dagiti turista a pagpaspasiaran. Nagatendar iti training dagiti Barangay Nutrition Scholars ken dagiti kameng ti Balikatan sa Vigan.

Kinuna ni Mary Sumabat, presidente ti Federation of Senior Citizens iti Vigan a nakipag-training pay dagiti padana a babbaket no kasano ti agaramid ti rosario, kurtina, necklace ken sinan- shell a pang-display a nausar iti daan a newspaper ken magazines. “Nagpipintas dagitoy a produkto a naaramid manipud iti recycled paper.,,”kinuna ni Sumabat.

Bayat iti Christmas Festival of the Arts, naangay pay ti panagsanay dagiti 22 a lumugar iti Barangay 9 iti Vigan Skills Training Institute a naisuro ti panagaramid ti “Taka” wenno “ paper mache”.Naangay pay ti training para kadagiti mangisursuro, inna iti taeng ken dagiti kameng ti 4 H Club a naisuro kadakuada ti panagaramid ti handbag, shoulder bag iti nadumaduma a rukod ken disenio. Inisponsoran ti Batch 1977 ti Ilocos Sur National High School nga nidauluan ni Dr. Esperanza Lahoz.

Nagsanay pay dagiti kameng ti Vigan City Furniture Makers Association ken dagiti babbai nga awanan pagsapulan iti Barangay Pantay Daya no kasano ti panagaramid ti nalagalaga a drawer ti lamisaan a mausar ti ungkay ti water lily wenno “water hyacinth”. Timmulong met ditoy ti Villar Foundation babaen ken ni dati a Congresswoman Cynthia Villar. (ANL/BPP-PIA 1 Ilocos Sur)

 Tags:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s