Ilocano news: Gob. Marcos makipagrikna kadagiti opisial iti pannakaipatungpal ti ‘Gun Ban’

SIUDAD TI LAOAG, Enero 19 (PIA) — Inpeksa ni Gobernador Imee Marcos ti kaririknana kontra iti naiget unay a pannakaipatungpal ti Comelec Gun Ban.

Iti briefing a naangaty iti session hall ti kapitolyo probinsial idi kalman, kinuna ni Gob. Marcos nga amkenna ti kasasaad dagiti padana nga opisial gapu ta saan a bareng-bareng ti kaawan armas dagiti opisial.

Nadegdegan pay ti amakda gapu ta amin a pulis nga agpapaay a kas security escorts dagiti opisiales ti gobierno ket nabilinen nga agsubli kadagiti bukodda nga units.

Impeksa pay ti gobernador ti panagduduana iti wagas a pannakaisayangkat ti check points gapu ta awan met ti poder dagiti polis a manglukat kadagiti compartments dagiti lugan nga alisto laeng a pagidulinan ti igam.

Nupay palubosan ti Comelec dagiti opisial a mangala ti dua a civilian security escorts, awan met ti panagtalek dagiti opisial iti serbisio dagiti escorts manipud kadagiti accredited a security agencies manipud idiay Manila gapu ta agduduada iti kabaelan dagitoy.

Malaksid iti dayta, tagidagsenenda pay ti uppat ba pulo a ribo a pisos a gastosen ti panagtraining dagiti agkalikagum nga agbalin a security escorts.

Saan pay a maibilang ditoy ti binulan a sueldo dagitoy a civilian security escorts.

Nupay awan ti maaramidanda kontra iti pammilin ti Comelec, kasapulan met nga agtungoalda tapno awan ti masalungasingda a pagannurotan ti election.

Mainaig iti daytoy, impaganetget met ti Comelec officer ti probinsia a ni Atty. Alipio Castillo a saanda nga agpangngadua a mangipatungpal iti daytoy a pammilin kontra kadagiti maduktalan nga agsalungasing. (ANL/APT-PIA 1 Ilocos Norte)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s