locano news: Turista a Ruso manamnama a mangpapigsa ti turismo ti Ilocos Norte

SIUDAD TI LAOAG, Jan 15 (PIA) — Mangnamnama ti gobierno probinsial ti Ilocos Norte a pumintas pay iti industria ti turismo iti probinsia kalpasan ti manamnama nga isasangpet dagiti grupo ti turista nga aggapu iti pagilian a Russia.

Inarakurak ni Gob. Imee Marcos nga adda dagiti grupo ti Ruso a manamnama a sumangpet iti Ilocos Norte a dagitoy ti manamnama a manglukat iti mercado ti turismo ti Ilocos Norte iti pagilian a Russia.

Kuna ti gobernador a napintas nu makaumay ken madiskubre dagiti Ruso ti Ilocos Norte kas tourist destination gapu ta mangted dagitoy iti nayon a panggedan dagiti umili kasta metten mapapintas ti ekonomia ti probinsiya.

“Maganda na makapunta dito ang mga Russians kasi that’s a very rich market, ika nga maraming milyonaryo’t bilyonaryong Ruso. Malaking bagay kung madiscover nila ang Ilocos Norte” kuna ni Gobernador Marcos.

Mangnamnama pay ni Gobernador Marcos nga iti isasangpet dagitoy a Ruso a turista ket dakkel ti posibilidadna a ma-develop iti Badoc Island, ngamin kunana maysa kadagiti masansan a damagen dagiti Ruso ket maipanggep kadagiti isla a mabalin a madevelop.

Ti Badoc Island ket maysa a birhen nga isla a masarakan agarup maysa kilometro manipud iti Barangay Pagsanahan, Badoc, Ilocos Norte. Maysa daytoy kadagiti kayat nga idevelop ti gobierno probinsial gapu iti kinapintas na kasta metten maysa daytoy a daydaywen kas surfing spot iti Northern Luzon. Agdakkel daytoy iti nasurok 360,000 metro quadrado.

Iti agdama, umad-ado paylaeng dagiti agsangpet a turista iti probinsia uray nalpasen iti Christmas Season. Maysa kadagiti rason ket iti madama a maisaysayangkat nga international rowing event iti Paoay Lake, isu ti 71st Paoay Regata a pakipagpasitan ti saan a bumababa ngem walo a pagilian.

Segun iti Provincial Tourism Office agtultuloy ti panagngato ti bilang dagiti turista a sumangsangpet iti probinsia. Inrakurak pay ti nasao nga opisina a ngimmato iti tourist arrivals iti Ilocos Norte itay napalabas a Christmas season, nangatngato ngem iti 680,000 tourist arrivals idi summer season idi met laeng 2012.

Mangnamnama ti gobierno probinsial a babaen kadagitoy a development ti turismo iti Ilocos Norte ket in-inut a masolbar ti problema ti unemployement kasta metten iti kinakurapay iti probinsia. (ANL/APT-PIA 1 Ilocos Norte)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s