Ilocano news feature: Banana ken camote chips shop iti Ilocos Sur umad-adu ti malakona gapu iti DOST

SIUDAD TI VIGAN, Ilocos Sur, Enero 8 (PIA) — Naimas ti saba, naimas pay ti kamote. Segun kadagiti eksperto dagitoy ket napintas a makan para ti utek ti maysa a tao. Ngem ammoyo kadi a ditoy Ilocos Sur ket uso a kankanen ti banana ken kamote chips a nasalsalun-at ngem dagiti chichirya?

Naimas met ti napasamak iti maysa a bassit a negosiante iti probinsia gapu iti tulong ti Department of Science and Technology (DOST) iti Ilocos Sur. Immadu ti mailaklakona a banana ken kamote chips.

Sinalaysay ni DOST Science and Technology Center of Ilocos Sur Provincial Director Ramon Sumabat a tinulongan ti opisinana ti Olan Food Products iti ili ti Santo Domingo nga agar-aramid iti kamote chips ken banana chips.

Inikkan ti DOST idi 2006 daytoy a negosio tapno sumayaat ti panagaramidna ti kamote ken banana chips, kangrunaan ti pannakapaadda ti pagiwa. Kasta met ti dadduma a panangtulong a mangpasayaat ti kalidad dagiti produktona. Dagitoy ket panagsanay iti panagaramid ti banana ken kamote chips kasta met ti napintas a pannakamanehar ti negosio ken ti mismo a panagaramid ti makan. Kasta met kangrunaan ti pannakapasayaat ti pakete ken etiketa a pagyanan ti nagan ti negosio.

Pinasayaat dagitoy a tulong ti teknolohia manipud DOST ti negosio nga immadu ti produktona. Daytoy ti rason a kwalipikado daytoy iti Small Enterprises Technology Upgrading (SET-UP) Program ti DOST, kuna ni Sumabat.

Naited ngarud ti agbalor PhP100,000 a proyekto a nakipokus iti pannakapaadda ti pagprittuan wenno ‘deep fryer’ ken pagserra ti supot wenno ti ‘continuous horizontal band sealer’. Nakumpleto daytoy a proyekto idi tengnga ti Disiembre 2010.

Innayon pay ni Sumabat a ngimmato ti ti kinaadu ti produkto a kamote ken banana chips gapu kadagitoy nga inted ti DOST. Agpapadan ti pannakaprito dagiti saba ken kamotit. Awanen ti makset a madadael. Pimmartak met ti panagiserra ti supot. Adda 25 inggana’t 30 a pakete ti maserraan iti kada minuto, ad-adu ngem ti 14 a pakete kada minuto idi. (ANL/ICr-PIA 1 Ilocos Sur)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s