Pangasinan news: Siyudad na Dagupan, akaawat na award nanlapud DOH parad programa kontrad TB

SIYUDAD NA DAGUPAN, Enero 7 (PIA) — Akaawat so siyudad na Dagupan na Pinnacle of Excellence Award nanlapud Department of Health parad say programa na siyudad kontrad sakit ya tuberculosis o TB.

Onong ed si Dr. Aurora Cuison, say hepe na Directly Observed Treatment System (DOTS) na City Health Office, agamoran yan award na siyudad ta manlapo nen taon 2000 anggad 2012, nan-improve so TB control efforts na siyudad. Manlapud 78 porsiyento et inmatagey na 92 porsiyento so bilang na pasyente asilbian.

Kulang kulang ya dos mil met so pasyenten walaay sakit ya TB so naitdan la na ‘clean bill of health” base ed accomplishment report na DOTS Clinic.

Walaan ni limaran empleyado na DOTS ya akaawat met na award. Sikara di Jose Patawaran, Ruby Damacio tan Violeta Serrano (medical technologists); Jennelyn Barrozo (microsocopist) tan si Cuison (medical coordinator).

Maliket met si City Mayor Benjamin Lim nen naantaan to yan pinandayew ed siyudad.

Kaiba ni ya ed tuloy tuloy ya panangaro na gobyerno ya naitdan na dugan serbisyon medikal iray Pilipino ya ontotombok met ed Philippine Development Plan. (ANL/VHS-PIA2 Pangasinan)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s