Pangasinan news: DOLE angiter na tulong-pinansiyal ed saray panday diad Calasiao

CALASIAO, Pangasinan, Okt 20 (PIA) — Naitdan na tulong-pinansiyal ya mankandidad na P317,250 iray panday ya miembro na Aliguas Blacksmith Workers Association (ABWA) ya nanlapud Department of Labor and Employment (DOLE) ed Rehiyon Uno.

Onong ed si Grace Ursua, direktor na DOLE ed rehiyon Uno, getma to yan tulong ya legpetan tan parakepen so panpapanday ya sikato so sakey a panlalapuan ya panbilay na saray totoo ed Sitio Pandayan, Barangay Gabon ed sayan baley.

Onong ed si Ursua, gabay da ya naitdan ya nandoroman panpasal tan bangatan iray panday pian naaroman so dunong da, gaween ira ya mas makana tan naamtaan da no panonto ya ipailalo so seguridad tan abig-laman da.

Nakaiba na DOLE so lokal ya gobierno na Calasiao tan say Public Employment Services Office to, say Department of Trade and Industry, Technical Education and Skills Development Authority tan Department of Science and Technology pian nagawaan ira yan pambangat.

Maliket iray miembro na ABWA ed sayan tulong-pinansiyal ya naawat da. Onong ed si Joel Magalong, presidente na olopan, baleg so naitulong to ya pian naparakep da ni yan ikabibilay ya mas matatken ni nen samay wadiad Filipino ya komiks ya si Panday.

Pilalek na DOLE ya sayan industriya et nakabat met angga ed arom ya bansa, aliwa labat diad saray produkto da balet pati say dunong na saray panday dia. (ANL/AM/PIA-Pangasinan)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s