Pangasinan news: DOLE angiter na tulong-pinansiyal ed saray managgawa na tupig ed Balungao

BALUNGAO, Pangasinan, Set 10 (PIA) — Angiter so Department of Labor and Employment (DOLE) ed Rehiyon Uno na tulong-pinansiyal ya mankandidad na P498,000 diad olopan na saray managgawa na tupig ed sayan baley nen kumatlo na Setyembre.

Onong ed si Arly Valdez, communication officer na DOLE, pabalegen na sayan tulong-pinansiyal so gawaan na tupig tan saray proyekto ya pan-agrikultura. Makatulong ya ed 110 ya managgawa na tupig, saray dumaralos, managtanem na ponti tan saray managgawa na oring.

Si DOLE Undersecretary Lourdes Trasmonte so nanderew na tulong-pinansiyal ed si Mayor Philipp Peralta na Balungao. Panilaloen nen Trasmonte so gobierno na Balungao tan saray naitdan na tulong-pinansiyal ya osaren da yan maong. Onong ed si Trasmonte, mantulungan ira parad iyaliguas na sayan proyekto.

Manlapud taon na 2009, akaawat la so baley na Balungao ya masulok ed P1.7 ya milyon ya tulong-pinansiyal ya inggastos ed sarayan proyekto: pampadakel na kanding (P400,000), panggawa na “canton noodles” diad kalobasa (P451,000), pantanem na kalobasa (P300,000), panggawa na tupig (P107,800) tan say tulong-pinansiyal natan et parad pampabaleg na panggawa ya tupig.

Nampasalamat si Mayor Peralta diad ag mantondan suporta na DOLE ed baley na Balungao tan ed saray totoo to. Impormisa nen Peralta ya sayan tulong-pinansiyal ya inter na DOLE et seguradon mauksoy ya osaren.

Sayan pangiiter na tulong-pinansiyal na DOLE et onong ed getma na Presidente Benigno Aquino ya paabebaen so kairapan tan manggawa na anapan. (ANL/AM-PIA1 Pangasinan)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s