Iloco news: P6-M naipaay a tulong kadagiti pamilya a naapektaran ti bagyo Helen

SIUDAD TI SAN FERNANDO, La Union, Septiembre 4 (PIA) –- Agarup P6,499,127 milyon a piso ti pinansiyal a tulong a naipaay kadagiti pamilya nga apektado ti bagyo “Helen” ditoy probinsiya ti La Union.

Daytoy ti kinuna ni Ranilo P. Ipac ti La Union Provincial Welfare Development Officer manipud iti naangay ti Ammuentayo radio program ti DZNL itay nabiit.

Kuna ni Ipac, ti tulong ket naggapu ti gobierno probinsiyal ti La Union, lokal a gobierno, Department of Social Welfare and Development, barangay, Holcim, La Union Host Lions Club, GMA ken ABS-CBN Foundation, Inc.

Daytoy a tulong ket naited para kadagiti pagkasapulanda a taraon kas ti delata, noodles, bagas, danum ken badbado.

Segun iti report ti La Union-Disaster Operation Center’s Disaster operations, agarup 36,136 a pamilya wenno 153,102 katao iti naapektaran.

Limapulo ket innem a babbalay ti naapektaran nga iti kaadduan ket ditoy siudad ti San Fernando ken 68 ti saan unay nga apektado segun ti report a nailista idi Agosto 23.

Innayon pay ni Ipac nga adda ti uppat nga indibidwal a nadangranan ken maysa ti natay.

Iti sektor ti agrikultura ken pupukan ti ikan, agarup P15,537,948 iti nadadael.

Iti nadadael nga imprastraktura kas ti kalsada ken rangrangtay umabot ti P130,985,020.

Kinuna ni Provincial Planning Officer Mauro Libatique, adda ti “Agriculture Development Plan” a madama nga ad-adalaen ti Office of the Provincial Agriculturists ken dadduma a dibsiyon ti OPAG tapno matameng dagiti nadadael nangnangruna ti sektor iti agrikultura ken pupukan ti ikan nga isu ti paggapuan ti pagbiag ti pamilya dagiti naapektaran. (ANL/EMR-PIA 1 La Union).

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s