Iloco news: 160 agad-adal ti elementarya nabenipisiaran ti BLT School Feeding Program idiay ili ti Bauang

SIUDAD TI SAN FERNANDO, La Union, Agosto 28 (PIA) -– Agarup 160 nga agad-adal ti elementarya iti ili ti Bauang ti nabenepisiaran ti ‘Busog, Lusog, Talino’ School Feeding Program nga indaulan ti lokal a gobierno ti nasao nga ili.

Dagiti benepisario ket dagititi eskuelaan ti Paringao, Calumbaya, Santiago ken Bauang Central School.

Nakikaysa ti Jollibee Foundation ken Departamento ti Edukasion (DeED) a nangipatungpal iti daytoy a programa. Kayatda a mapasayaat ti salun-at ken nutrision dagiti agad-adal nangnangruna kadagiti ub-ubbing nga ‘undernourished’ wenno agkurkurang ti nutrisyon, kinuna ni Paz Andrada, municipal nutrition action officer.

Base ti listaan ti DepEd ditoy rehion, iti daytoy a tawen, agarup 2,753 ti adda ti Grade 1 ken Grade 2 ti benepisario ti BLT iti nasao nga uppat nga eskuelaan.

Manipud iti daytoy a bilang, 1,176 ti Grade 1 ken 1,577 met ti adda ti Grade II.

Iti grade 1 adda ti 11.99 porsiento nga ‘underweight’ wenno kurang ti timbang idinto ta 6.57 a porsiento met ti ‘severely underweight’ kasta met ti grade 2 adda ti 11.87 a porsiento nga ‘underweight’ ken 6.57 a porsiento ti ‘severely underweight’.

Iti lokal a gobierno ti Bauang ken ti pannakikaysa iti Jollibee Foundation, adda maang-angay a ‘feeding program’ iti las-ud ti 136 nga aldaw a nangrugi idi Hulyo 16 ken agturpos inton Pebrero 2013.

Kas paset ti programa, agsagana dagiti nagannak ti nalaka no di ket nasustansiya a taraon para kadagiti agad-adal nga ub-ubbing.

Tapno mataripato a naimbag no adda ti progreso ti salun-atda, adda ti nadutokan nga opsiyal nga agilista wenno mangmonitor ti timbang kasta met dagiti ubbing a mapan a binulan. Dagiti dadduma a grupo ket tumulong nga agisagut kas iti paglut-twan, bagas, natnateng ken dadduma pay a pagkasapulanda.

Mangnamnamada a mapabassit ti bilang ti ‘undernourished’ wenno kurang ti nutrisyon inton agturpos ti daytoy a ‘feeding program’, kuna ni Joan Diaz, information officer staff.

Ti BLT School Feeding Program, ket nairugi ti Jollibee Foundation tapno matulunganda ti komunidad babaen ti malnutrisyon a maipaay kadagiti agad-adal iti grade 1 ken grade 2 nga agbasbasa ti elementarya tapno mapasayaat ti panagadalda.

Daytoy a tulong ti lokal a gobierno ken ti Jollibee Foundation ket agpaut ti tallo a tawen.

Idi umuna a tawen ti implementasyon, 75 a porsiento ti pondo nga naggapu ti Jollibee Foundation idinto ta 25 a porsiento met ti lokal a gobierno. Ti maikaddua a tawen, 50 a porsiento ti inted ti tunggal maysa. Ken iti pondo iti maikatlo a tawen, 25 a porsiento ti Jollibee Foundation ken 75 a porsiento met ti lokal a gobierno. (JCR/EMR-PIA 1 La Union)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s