locano news: P8M manipud iti RA 7171, para kalsada ken pagsapulan iti Vigan

SIUDAD TI VIGAN, Agosto 17 (PIA) — Numan pay awan ti agmulmula iti tabako a birhinia iti daytoy a siudad a nalatak iti sangalubongan gapu iti “Vigan Heritage Village,” immawat itay lawasna ti gobierno ti siudad iti P8 milyon manipud iti pundo ti RA 7171 wenno “Tobacco Excise Tax Law.”

Kinuna ni Mayor Eva Medina a dakkel unay a tulong daytoy a pundo manipud iti buis iti sigarilio numan pay saan a maibilang ti Heritage City a kas “producer” wenno agparpartuat iti apit a tabako saan a kas kadagiti dadduma nga ili iti Ilocos Sur.

Kinuna ni Mayora Medina a ti naawat a P8 milyon a pundo, maaramat para iti proyekto a kalsada iti aw-away tapno makatulong kadagiti mannalon nga agmulmula iti pagay, mais ken natnateng a kangrunaan a produkto iti siudad. “Babaen ti farm-to-market roads, al-alisto a maibiahe dagiti apit dagiti mannalon iti public market,” kinuna ti mayor.

Ti 50 porsiento ti pundo mapan iti infrastructure projects ken ti nabati a 50 porsiento mausar para iti livelihood projects dagiti nakukurapay a kakailian a Biguenos, kinuna ti mangidadaulo iti siudad a napadayawan a “Grand Slam” a “Best Child-friendly City” iti Pilipinas. Daytoy a sistema ti inaprobaran ti Sangguniang Panlungsod a pannakaaramat ti pundo ti RA 7171 iti siudad.

Kinuna ni Mayor Medina a babaen ti pundo ti buis iti sigarilio para iti livelihood project, makatulong a mangpadur-as ti panagbiag dagiti nakukurapay a pamilia.

Kinunana nga isaysayangkat ti gobierno iti siudad ti “Pagsapulan: Raniag ti Masakbayan” a program babaen ti pannakasanay dagiti agtutubo a saan a nakaadal ken dagiti nataengan nga awanan iti pagtrabahuan para kadagiti bokasional ken teknikal a kurso wenno training a maaramatda a panggedan.

Babaen iti city government ken ti pannakitinnulong ti DSWD ken Tesda, naipaayan iti bassit a karinderia wenno sari-sari store dagiti inna iti taeng tapno makatulong iti panagbiag ti pamiliada. Sabali pay dagiti amma iti taeng a naipaayan iti tricycle agraman prangkisa tapno adda pagpasadada.

Mapili dagiti kakurapayan a pamilia iti tunggal barangay a pakaipaayan iti tulong ti gobierno babaen ti “Pagsapulan” malaksid laeng iti Pantawid Pamilya program tapno makatulong iti panagbiag dagiti makunkuna a “poorest of the poor” kas panggep iti Millennium Development Goals (MDGs), kinuna ti mayor.

“Saan laeng a pang-turismo ti prayoridad ti Heritage City no di pay pang-kabuhayan tapno malabanan ti kinakurapay ken panagbisin,” kinuna ni Mayor Medina” Ditoy iVigan maiparit ti sadut, innayonna. (ANL/BPP-PIA1, Ilocos Sur)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s