Iloco news: OPAG nangipaay iti nadumaduma a serbisyo para kadagiti ub-ubbing ditoy La Union

BACNOTAN, La Union, Agosto 8 (PIA) – Agarup sangagasut limapulo nga agad-adal nga ub-ubbing ti Ortega Elementary School ti naipaayan ti nadumaduma a serbisyo itay nabiit ditoy ili ti Bacnotan kas paset ti “Special Community Service Day” nga indauluan ti Office of the Provincial Agriculturist.

Dagiti aktibidades ti Special Community Service Day ket kadagiti sumaganad: feeding program, panagiwaras iti arwaten ti eskwela ken nadumaduman a pagan-anay; ken panagpabuya ti “puppet show”.

Indauluanda OPAG provincial agriculturist Imelda Sannadan ken Assistant provincial agriculturist Alberto Lacsamana ken dagiti mangisursuro ti day care ken elementarya iti “feeding program” no sadino pinakanda dagitii ub-ubbing ti arroz caldo, kankanin ken pina-inum ida ti kalamansi juice.

Kuna ni Alberto Lacsamana, OPAG assistant provincial agriculturist, ti “outreach program” ket maysa a wagas tapno matulunganda dagiti residente ti barangay kasta met a maipakitada ken maipariknada ti panangdungngo kaniada.

Kas paset pay ti datoy a programa, adda ti naipabuya a “puppet show” nga indauluan ti City Environment and Natural Resources Office ti siudad ti San Fernando ken Opag tapno maipalaguip kadagiti tattao ken dagiti ub-ubbing a ti aglawlaw ket masapul a maprotektaran ken masalakniban.

Kalpasan ti panagpabuya, adda naited nga arwaten ti panageskwela kas iti envelope, lapis, papel, pagpigket, coupon bond ken “health kits” kas iti toothbrush, toothpaste ken sabon.

Nakaawat pay dagiti ub-ubbing ti nadumaduma a pagan-anay nga naggapu ti empleado ti Opag.

Dagiti residente ken opisyales ti barangay, nakaawatda met iti nadumaduma a bin-i kas iti okra, kangkong, pechay, patola, karabasa, kamatis ken otong tapno maaramatda a pangalaan ti panagbiagda para ti masangwananda.

Kuna ni Opag Administrative Officer Mario Eliseo Casimiro, ti pondo a nausar kadagiti nadumaduma a serbisyo ket manipud ti lima a porsiyento ti sueldo dagiti empleado a bulontaryo nga impaayda para ti nasao a programa. (ANL/EMR-PIA 1 La Union)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s