Ilocano news: Agpa-urinalysis tapno nasapa a maammuan no addaan sakit ti pali

SIUDAD TI VIGAN, Ilocos Sur, Agosto 9 (PIA) — Makapatay ken nangina ti addaan panagpaagas ti sakit ti pali (kidney disease). Isu ngarud a tatta bayat a nasapa pay insigidaen ti mapan agpa-urinalysis a tinawen.

Daytoy ti tema ti maysa a panaguummong da Dr Antonio R Paraiso, Dr Susan Losaria-Jorge ken Dr Reynaldo J Lesaca ti National Kidney Transplant Institute (NKTI) Renal Disease Control Program (Redcop), John Flores, maysa nga advertising consultant, Prof. Marie Joy B Arquillas, sociologist iti University of the Philippines, ken dagiti adda iti creative services division, region 1 ken Ilocos Sur office iti Philippine Information Agency iti Ciudad Fernandina Hotel iti daytoy a ciudad idi Agosto 4 ken 5.

Ti urinalysis ket isu ti kalakaan, kadarasan a wagas a mangkita no addaan ti maysa a tao ti sakit iti pali. Mangted daytoy iti 10 a pagilasinan a mangkita ti salun-at ti pali.

Sakbay nga agbalin a nakaro ti sakit ti pali addaan ti 15 inggana’t 20 a tawen na ket gapu ngarud ti mapasamak ti end stage dialysis iti edad a 40 inggana’t 60 a tawen, kuna dagiti eksperto, a ti kasapaan a pannakakita ti pagilasinan ti sakit ket masapul a mangrugi iti tawen 18 inggana’t 40. Daytoy ti manglapped wenno mangpabuntog ti panagkaro ti sakit iti estado a dinton maagasan.

Trabaho ti Redcop ti NKTI ti pannakalapped ti makapatay a sakit ti pali. Ta segun ti report dagiti saan a makaakar a sakit kas ti chronic kidney disease ket sinuktandan dagiti makaakar a sakit a kaadduan a rason ti pannakatay iti sangalubungan.

Iti Pilipinas adda 10 porsiento ti tinawen a pagpangatuan ti kinaadu ti end stage renal disease, wenno daytay maudin a parte ti sakit ti pali a makapatay. (ANL/ICR-PIA1, Ilocos Sur)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s