Ilocano news: PNP-LU nangipaay ti tulong kadagiti marigrigat nga ub-ubbing ditoy LU

SIUDAD TI SAN FERNANDO, La Union, July 19 (PIA) — Agarup tallu-pulo a marigrigat nga ub-ubbing ti naikkan ditoy La Union ti libre nga “educational assistance” babaen ti proyekto ti La Union Provincial Police Office (LUPPO) a “Batang Mahirap: Edukasyon Mo, Sagot Ko”, babaen ti maysa a programa a naangay itay nabiit diay LUPPO.

Gandat daytoy a proyekto a matulungan dagiti ub-ubbing tapno maitultuloy ken ipategda ti panagadalda para ti masangwananda, kinuna ni Police Chief Inspector Marlon Paiste.

Kinunana pay a kasapulan nga isumite dagiti benipisario ti pakakitaan nga isuda ket marigrigat nga aggapu ti barangay Kapitan ken municipal social welfare development officer sakbay a maawatda dagiti kasapulan a maited kadakuada.

Dagiti naited kadagiti ub-ubbing a kasapulanda ti panagadalda ket dagiti uniporme, sapatos, medyas, kapote, payong, writing pads, kwaderno, krayola, lapis, tsinelas, school bag, ken dadduma pay.

Sinaksian ni Vice Governor Augusto “Aureo” Nisce ti panagiwaras kadagiti ramramit a kasapulan dagiti ubbing a kas maysa a mangtultulong ti daytoy a proyekto ken nagserbi a kas kangrunaan nga nagsarita iti naangay a programa.

Nangnamnama ni Nisce a dagiti benepisario ket masapul nga agtultuloy ti panagadalda tapno makapagturposda ken magun-odda ti kamkamakamenda a masangwananda.

Dagiti nagannak agtultuloy nga iwanwanda ken suportaranda dagiti annakda kasta met ti pannangidayaw iti naaramidan dagiti kameng ti pulisya gapu ti panangtulongda a mangikampanya ti anti-crime, kuna pay ni Nisce.

Kas paset ti Police Community Relations Program, dagiti kameng ti pulisya masapul a tumulongda ti pinansyal a pakasapulan dagiti ub-bbing tunggal lawas, innayon pay ni Paiste.

Inyun-unay pay ni Senior Supt. Ramon Purugganan , LUPPO provincial director a maikkan iti importansya ti edukasyon dagiti ubbing ken pannakikaddua iti nagbaetan ti kameng ti pulisya ken ti komunidad tapno magun-od ti maurnos ken talna ditoy probinsiya.

Daytoy a proyekto ti LUPPO ket maikainnem a tawenen manipud nangrugi idi Hunio 2007. (ANL/EMR-PIA 1, La Union)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s