Pangasinan news: Pangasinan manselebra na Bulan ya Nutrisyon

SIYUDAD NA DAGUPAN, Hulyo 12 (PIA) — Iselebra na luyag na Pangasinan so Bulan na Nutrisyon natan ya Hulyo ya walaay teman, “Pagkain ng gulay ugaliin, araw-araw itong ihain.”

Onong ed si Milagros Gutierrez na Provincial Health Office (PHO) getma na sayan selebrasyon ya panilaloen iray totoo ya mangan na pising; ipaamta so kamaongan na pantanem na pising ed solar; tan patageyen so pangkaokolan ed pising pian naaroman so nanaalmoan da ray mantatanem ed saya.

Diad sayan selebrasyon, mantanem na pising ed saray apilin eskuelaan diad baley na Aguilar tan Lingayen no a-disisyete tan a-disinoebe na Hulyo ya pangidaoloan na PHO.

Manlalaban met diad panluto na pising iray miembro na Healthy Habit Club no a-duamplo tan lima na Hulyo ed Pangasinan Training and Development Center diad baley na Lingayen. Diad sayan agew, mangiter na bini ya nandoroman pising so Provincial Agriculture Office.

Diad pansompal na selebrasyon, nagawa so labanan diad panggawa na poster tan islogan ed Capitol Resort Hotel diad baley na Lingayen no a-talumplo na Hulyo ya salian na saray eskuela na elementarya. Medalya tan kuarta so naawat da ray manalo, sertipiko balet so naala da ray aga manalo. (ANL/AP-PIA2 Pangasinan)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s