Ilocano news: Grupo’t sosiodad sibil maimimbitaran, mangted singasing tapno mapapintas ti pamilia Pilipino

VIGAN CITY, Ilocos Sur, Hulio 12 (PIA) — Im-imbitaran ti Department of Social Welfare and Development (DSWD) dagiti grupo ti sosiodad sibil a mangitedda ti singasingda tapno mapasayaat dagiti pamilia Pilipino. Daytoy a proyekto ket adda iti babaen ti Pantawid Pamilyang Pilipino Program a naam-ammo a Philippine conditional cash transfer (CCT) program ti nasional a gobierno a punduan ti Asia Development Bank (ADB). Daytoy nga imbitasion ket para kadagiti amin a grupo nga aktibo iti community development wenno pannakapasayaat ti komunidad iti National capital region, Region 1 ken CARAGA. Segun daytoy ti opsina ti DSWD iti rehion 1.

Ti kaunaan a pannakaisayangkat dayoty ket inton Julio 23 inggana’t Agosto 23 daytoy a tawen babaen iti mapili a 15 a grupo sosiodad sibiko kadagitoy tallo a rehion. Dagiti interesado a grupo ket maalada ti pormas nga agaplikar, kasta met ti terms of reference, eligibility requirements, ken dadduma pay a nasken a dokumento para ti pannakaisagana ken pannakaisubmitir ti singasing wenno project proposalsda, iti Pantawid Pamilya – National Project Management Office iti opisina ti DSWD iti rehion. Hulio 16 ti maudi a panagipatulod. .

Daytoy panagtitimpuyog ti DSWD, ADB ken dagiti grupo sosiodad sibil tapno mapasayaat dagiti pamilia Pilipino ket papigsaenna ti pannakaiduron iti biag ti pamilia kadagiti benepisiario ti Pantawid Pamilya . Babaen daytoy iti pannakaited ti pannakaammo ken laing tapno masangoda a nasayaat dagiti responsibilidadda kas nagannak. Maigunamgunam a maisuro ti responsible a panagbalain a nagannak, laing iti pinansial, ken panagtrabaho ken ti pannakaammo iti aglawlaw. Ti pannakipartisipar dagiti pamilia ket maysa kadagiti pagannurutan ti CCT program a mangted ti laing, sirib, napintas a galad a mangpasayaat ti kalidad ti biag.

Ti Pantawid Pamilya ket maysa a programa ti nasionaol agobierno a nakaipanan ti capital ket dagiti tattao, kasta met a daytoy ket maysa a wagas ti pannakapasayaat ti sosiodad . ipasiguradona ti salun-at ken edukasion dagiti napapanglaw nga ubbing manipud kayyanak inggana’t agtawen ti 14. babaen ti panangtedna ti tiansa dagitoy nga ubbing a dumakkel a nasayaat itdenna ngarud ti pannakaisardeng ti pangtultuloy a pannakaipatawid ti kinapanglaw. (ANL/ICR-PIA 1 Ilocos Sur)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s