Ilocano news: ‘Peoples’ Day naigannuat diay barbarangay ti Distrito VIII

SIUDAD ITI SAN FERNANDO, La Union, July 4 (PIA) –- Ingggannuat manen ti lokal a gobierno iti San Fernando City iti maikapat a daras a “People’s Day” diay Distrito VIII idi Hunyo 22 a masakupan iti pito a barangay ti Bungro, Birunget, Sagayad, Narra Este, Narra Oeste, Sibuan-Otong ken Tanquigan.

Daytoy ket agtultuloy kas maysa a prioridad a programa ti lokal a gobierno nga idadauluanda Mayor Pablo C. Ortega, Vice Mayor Hermenigildo Gualberto ken dagiti kameng ti konseho iti siudad.

Nadumaduma a serbisyo iti naipaay ti datoy a programa kadagiti bumarangay nangnangruna ti pakasapulanda para iti salun-atda kas iti libre a panagpakonsulta, panagkugit dagiti ububbing, panagpabunot ti ngipin, feeding program ken ag-agas kas iti anti-biotics ken bitamina.

Nangted met dagiti empleyado iti nasao a gobierno ti impormasyon para kadagiti residente dagiti nasao a barangay maipanggep ti agrikultura, salun-at, aglawlaw ken akinkukua ti dagdaga ken ti ordinansa maipanggep ti negosyo ken individual permits, sanitary permits, fire clearance ken dadduma pay tapno maammuanda a daytoy a serbisyo ket dakkel a tulong ti maitedna nangnangruna ti panagbiagda.

Nagibunong dagiti opisyales ti lokal a gobierno iti computers, kasapulan ti eskuela, kopya ti citizen’s charter ken sangagasut a ribo ti kada barangay tapno maaramatda a pangpatarimaan ti entabladoda.

Adda met ti panagkolektada iti plastik ken nabuong a botbote tapno maisukat ti “Palit Basura diay Store ni Pablo”.

Kas paset ti programa, adda naaramid a maysa a Talakayan dagiti bumarangay ken dagiti opisyales, a pakairamanan ti Philippine Information Agency ken DZNL Aksyon Radyo, kas maysa a gundaway a nangiyebkasan dagiti dawatda ti dadduma a bumarangay.

Adda ti sumagmamano a problema iti naidatag dagiti pito a barangay maipanggep ti panagpakabit iti poste ti koryente, street lights, footbridge kasta met iti rehabilitasyon ti diding ti barangay hall ken solar dryer.

Nagyaman pay kadagiti bunggoy a nakisuporta agraman kadagiti nadumaduma nga agensya, opisyales ti barangay ken dagiti komunidad iti People’s Day a naigannuat.

Maigannuat inton Hulyo 6 ti maikalima a daras ti “People’s Day’ a maaramid diay Distrito IX. (ANL/EMR-PIA 1 La Union)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s