Pangasinan News: Manlingkor ya Kalangweran imparlas diad siyudad na Dagupan

SIYUDAD NA DAGUPAN, Hunyo 19 (PIA) — Imparlas la lamet na gobierno ed sayan siyudad so programan “Manlingkor ya Kalangweran” ya kabiangan na pansilebra na Agew na Dagupan.

Walomplo tan waluran eskuela ya wadia ed kumatlon taon na hayskul diad publiko tan pribado ya eskuelaan so kaiba ed saya.

Imbangat da ni ra na taluran agew pian anta da so gaween diad sakey a simba ya manlingkor iran opisyal na gobierno ed siyudad. Ginawa so pambangat ed sikara diad opisina na Department of Education (DepEd) nen kumalabin-apat anggad kumalabin-anem na Hunyo.

Impaliwawa nen Mayor Benjamin Lim ya saray wadia ed kumatlon taon so akaiba tan aliwan saray wadia ed kumapat ya taon ta wala ni so sakey taon da ed hayskul pian naipaamta ed kapara dan eskuela iray naaralan da ed saya.

Impanonot met nen Lim ed saray eskuela ya manisia ra ed abilidad da tan manaral iran maong pian ontan et nagamoran da so maong ya arapen. Panilaloen ni ran mitoop diad pangiter na solusyon ed anto ka man ya problema na komunidad.

Kasumpal na taluran agew ya panaral, nan-“oath taking” ira yan kalangweran karuman a kabwasan diad “flag ceremony” ya ginawad plaza tan ginmapo la ran manlingkor. (PIA-Pangasinan)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s