Ilocano News: Lokal a gobierno ti San Fernando City iginannuat ti ‘People’s Day diay barbarangay ti Distrito XII

SIUDAD ITI SAN FERNANDO, La Union, Mayo 30 (PIA) — Iti maikatlo a daras manipud idi naigannuat ti ‘People’s’ Day idi bulan ti Abril, iginannuat manen ti lokal a gobierno ti San Fernando City iti ‘People’s Day’ diay Distrito XII idi Mayo 23 a masakupan ti innem a barangay.

Datoy ket masakupan ti barangay Apaleng, Bangbangolan, Bacsil, Baraoas, Calabugao, ken Puspos.

Nadumaduma a serbisyo iti naipaay ti datoy a programa nangnangruna ti pakasapulanda para iti salun-atda kas iti libre a panagpakapon dagiti ububbing, panagpabunot ti ngipin, panagpaeksamen ti isbu ken ag-agas kas iti anti-biotics ken bitamina.

Adda met ti panagkolektada iti plastik ken nabuong a botbote tapno maisukat ti “Palit Basura diay Store ni Pablo”.

Nangted met dagiti empleyado iti nasao a gobierno ti inpormasyon para kadagiti babbaket ken lallakay maipanggep ti agrikultura, salun-at, aglawlaw, ken ti ordinansa maipanggep ti negosyo ken individual permits, sanitary permits, fire clearance ken dadduma pay tapno maammuanda a ti datoy a serbisyo ket dakkel a tulong ti maited na nangnangruna ti panagbiagda.

“Maragsakan kami la unay ta makaited daytoy a serbisyo ti tulong kadakami nangnangruna iti naduma-duma nga ag-agas nga maipaay para dagiti masaksakit ditoy ayan mi,” kinuna ni Marites Casugay, maysa nga agtagibalay ken residente iti barangay Bangbangolan.

Nagited dagiti opisyales ti lokal a gobierno iti computers, gamit ti eskuela, kopya ti citizen’s charter ken sangagasut a ribo a piso ti kada barangay tapno maaramatda a panagpatarimaan ken panagkumpuni ti entabladoda.

Kas paset ti programa, adda naaramid a maysa a ‘Talakayan’ dagiti bumarangay ken dagiti opisyales, a pakairamanan ti Philippine Information Agency ken DZNL Aksyon Radyo, kas maysa a gundaway a nangiyebkasan dagiti dawatda ti dadduma a bumarangay.

Adda ti sumagmamano a problema iti naidatag ti barangay Baraoas ken Calabugao maipanggep iti pannaka-addaanda ti scholarship program para kadagiti marigrigat diay lugarda, farm-to-market-road ken footbridge kasta met iti bubong ti basketball court ti barangay.

Impasigurado ni Mayor Pablo C. Ortega nga aramidenda ti kabaelanda a maresolbar dagiti dawat iti nadumaduma a barangay ti datoy a tawen.

Nagyaman pay kadagiti bunggoy a nakisuporta agraman kadagiti nadumaduma nga agensya, opisyales ti barangay ken dagiti komunidad iti People’s Day a naigannuat ken inwaragawag na nga inton Hunio 22 iti samaruno a pannakaigannuat ti datoy a programa. (JCR/EMR/PIA1 La Union)

(GISTS – For the third time since the launching of the People’s Day’ in April this year by the local government unit of San Fernando City, another round of ‘People’s Day’ was conducted on May 23 at District XII covering seven barangays to include barangays Apaleng, Bangbangolan, Bacsil, Baraoas, Calabuyao, and Puspos. Basic services of the city, including partner agencies were provided aiming to bring government services closer to the people, in addition to the ‘Talakayan’ which was conducted as venue for the barangay folks to voice out their needs/problems/sentiments for the local government unit to address.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s