Pangasinan News: Eksamin parad “Career Service Eligibility” nagawa no Mayo 27

SIYUDAD NA DAGUPAN, Mayo 25 (PIA) – Gaween no a-duamplo tan pito na Mayo ed siyudad na Dagupan tan Urdaneta so eksamin ed “career service professional” tan “sub-professional” diad pangidaolo na Civil Service Commission (CSC).

Naitdan na “certificate of eligibility” iray makapasa ed sayan eksamin ya kaokolan pian naregular iran empliyado ed gobierno.

Nepeg ya aralen diad English tan Filipino so “vocabulary,” “grammar” tan “correct usage,” “paragraph organization,” “reading comprehension” tan “numerical reasoning” ya ompaway ed “professional” tan “sub-professional” ya eksamin.

Wala met so “general information” na kaiba so “Philippine constitution,” “code of conduct and ethical standards for public officials and employees” o say R.A. 6713, “peace and human rights issues and concepts” tan “environment management and protection.”

Say “analogy” tan “logic” et ompaway met diad “professional.” “Spelling” tan “clearical operations” balet so walad “sub-professional.”

Ipapanonot met ed saray man-eksamin ya awiten so “application receipt” o “notice of school assignment” da; lapis ya nannumeroy 1 o 2 tan bural; andeket o asul ya bolpen; tan “valid ID” ya impanengneng da nen nan-proseso iray aplikasyon.

Ipapatalos na CSC diad saray ag makapan-eksamin ya ag la naipawil so imbayar da tan ag met ira aboloyan ya isalat so agew na pan-eksamin da.

Kaokolan met ya mansulong na nepeg ya kawes iray man-eksamin tan ag to sarag so aka-sando, aka-“shorts” tan aka-sinilas. Impakabat na CSC ya saray naerel ya mansasaol diad eksamin et naitdan na dosa. (PIA-Pangasinan)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s