Ilokano News: Pagsapulan, raniag ti masakbayan ti Vigan kontra panagbisin, kinapanglaw

SIUDAD TI VIGAN, Mayo 24 (PIA) — Talaga a raniag ti masakbayan dagiti agindeg ti Vigan wenno Biguenos dagiti pagsapulan nga it-ited kadakuada ti gobierno ti siudad nga idadauluan ni Mayor Eva Marie S Medina. Daytoy ti programa a mangpadpadas a mangikkat ti kinapanglaw ken panagbisin iti ciudad.

Segun ti opisina ti mayor iti maikalima nga addang ti programa adda manen nainayon a 30 nga agindeg a naikkan ti nagduduma a pagsapulan kas ti sari-sari store,mini carinderia, panagpasada ti tricycle, panagtaraken ti baboy, kalding, baka, manok; panaglako ti uging, bagas, barbecue, fishball, kikiam, longaniza, frozen foods, nagduduma a kankanen, natnateng, dried fish, ken panagaramid kadagiti nagduduma a produkto ti ikan.

Dagiti barangay a naikkan ti pagsapulan wenno livelihood dagiti residente ket Barangay IV, VII, VIII, San Pedro, San Jose, Bulala, Paratong, Capangpangan, Baraca, Ayusan Sur, ken Tamag.

Segun kenni Shela Perido, maysa a naasawaan nga addaan ti dua nga annak nga addan iti umuna ken maikatlo a grado, napintas daytoy a programa ti gobierno ti siudad ta dakkel a tulong ti inaldaw-aldaw a panagbiagda ti itdenna. Isuna ket naikkan ti pagsapulan a panaglako ti bagas, natnateng, ikan ken karne. Inawatna manipud kenni Mayora Medina a napan iti mismo a balayda idi napan a tawen, ti duwa a kaban a bagas, maysa a bisikleta nga addaan sidecar, maysa a styropore frozen foods bag, ken kuwarta a paggatangna ti dadduma pay a lakuna iti inaldaw.

Sakbay daytoy addan tallo a tawen nga aglaklako, agaw-awit, agipagpagna kadagiti barangay iti siudad. No dadduma kadduana pay ti dua nga annakna. Ngem gapu ti tulong ti gobierno ti siudad addan bisikleta a paglugananda, saannan nga aw-awiten ti tagilakona. Naaddaan payen ti pagpuonan ken dua a kaban a bagas nga inlakona. (ANL/ICR-PIA 1 Ilocos Sur)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s