Ilocano news: PSHS scholarship, saganaen dagiti estudyante para ti propesyon ti siensia ken teknolohiya

SIUDAD ITI SAN FERNANDO, La Union, May 18 (PIA) — Tapno makasagana dagiti estudyante para ti propesyon nga adda kaipapanan iti siensia ken teknolohiya ken tapno tumulongda ti panagrang-ay ti pagilian babaen ti panangtulongda a magun-od ti adu a propesyonal ken lideres iti nasao a linya, ti Philippine Science High School (PSHS) ken Department of Science and Technology (DOST) ket naglukatda ti scholarship para kadagiti nagturpos ti elementarya ditoy intero a pagilian.

Kinuna ni Rachel S. Jose, Project Assistant III ti DOST 1, a ti sakop iti nasao a scholarship ket libre a tuition fee, libre a panagbulod ti libro, binulan a sustento, uniporme, pagplete ken allawans para kadagiti grupo a nababa ti pagbirukanna.

Dagiti kasapulan a papeles nga isumite ket dagiti sumaganad: application form a napirmaan nga aggapu ti opisina ti DOST wenno PSHS, dua a 1×1 a litrato, kopya ti grado no ti aplikante ket saan a nairaman kadagiti adda ti kangatuan a sangapulo a porsiyento a bunggoy wenno batch iti school year 2011-2012.

Masapul a ti aplikante ket nasayaat ti pammagina, kasapulan a makipaset ti academic program ken nasayaat ti kinataona.

Innayon pay ni Jose a ti panagpili ket maaramid inton maika-29 ti bulan ti Septiembre iti datoy a tawen babaen ti maysa nga eksaminasyon, a maawagan ti National Competitive Examination, tapno masukat ti abilidad ti maysa nga agad-adal maipanggep iti quantitative ability, abstract reasoning ken verbal aptitude.

Inton Hulyo 13 ti maudi nga aldaw ti panangited ti aplikasyon isu a dagiti interesado nga estudyante ket mabalinda a mangala ti form ti nadumaduma nga opisina ti PSHS ti San Ildefonso, ILocos Sur ditoy rehion 1 kasta met ti DOST Regional ken provincial office.

Dagiti pammalubos para ti eksaminasyon nga itedda kadagiti estudyante ket aggapu diay nagproseso ti aplikasyonda ken kasta met a kompleto dagiti dokumentoda.

Ngem dagiti aplikante a nagited iti ahensiya ti DOST, dagiti pammalubosda ket maited kadagiti estudyante wenno kadagiti prinsipal ti eskwelaan babaen iti panagpaw-it ti koreo.

Inlawlawag pay ni Jose nga awan ti naituding a bilang ti alaenda para ti PSHS scholarship ngem maibase datoy iti resulta ti eksaminasyon. (ANL/EMR-PIA 1 La Union)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s