Ilocano news: DepEd agsagsagana para ti panaglukat ti eskwela ita a tawen

SIUDAD ITI SAN FERNANDO, La Union, May 18 (PIA) — Tapno makasiguro nga awan aberya ti umadanin a panaglukat ti eskwela inton Hunio 4, isayangkat ti Department of Education (DepEd) ti Oplan Balik Eskwela (OBE) inton Mayo 28 agingga ti Hunio 4 kas nailanad ti DepEd Memorandum No. 83, serye 2012.

Kinuna ni Anastacio P. Domingo Jr., Secondary Education Supervisor ti DepEd 1, madama nga agimplementar ti DepEd ti nadumaduma nga aktibidades kas iti panagbisita da iti babbalay kadagiti agad-adal tapno makasiguro a dagiti ubbing ket sumrek danto ti panaglukat ti klase inton Hunio.

Agsagsagana kami ti uneg ti maysa a lawas sakbay ti panagturpos iti datoy a bulan tapno agdalus ti eskwelaan ken iti aglawlawna ken agtarimaan kadagiti nadadael a tugtugaw ken lamisaan kadanggay dagiti nagannak wenno miembro ti komunidad nga asideg ti eskwelaan.

Ti panagsanay para ti mangisursuro para ti grade 1 ken grade 7 iti public school ket nangrugi iti nadumaduma a lugar ditoy rehion 1 iti datoy a bulan agingga into Hunio 2 tapno makasagana da para ti programa ti K to 12 a marugian ti adminstrasyon ni President Benigno Aquino III, innayon pay ni Domingo.

Datoy panagsanay ket pinunduan ti DepEd para ti board and lodging para kadagiti mangisursuro ken materiales nga usarenda malaksid ti transportasyon da, kunana pay.

Ti OBE iti datoy a tawen ket pagkakaduaan ti Department of Health (DOH), Philippine National Police (PNP), Department of Trade and Industry (DTI), Department of Interior and Local Government ken dadduma pay nga ahensiya ti gobierno. (ANL/EMR-PIA 1 La Union)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s