Tagalog News: Grupo ng manunulat sa Ilocos, tutulong sa Multi- Lingual Education at K+12

VIGAN, Ilocos Sur, May 15 (PIA) — Tutulong ang isang grupo ng mga manunulat na Ilokano para sa pagtataguyod ng Multi-Lingual Education (MLE) ng Department of Education (DepEd).

Ayon kay judge Vivencio Baclig, presidente ng Gunglo Dagiti Mannurat nga Ilokano (GUMIL) iti Pilipinas (Association of Ilocano Writers of the Philippines) at retiradong hukom ng Regional Trial Court sa Quezon City, layunin ng kanilang grupo na maitaguyod at mapreserba ang mga kultura at tradisyon ng mga Ilokano kabilang na ang sariling wikang Iluko sa pamamagitan ng pagtuturo ng Iluko sa mga mag-aaral ng Grade 1 hanggang 3.

“Sa katunayan, hiniling ng Komisyon ng Wikang Filipino (KWF) at DepEd ang tulong ng GUMIL Filipinas para sa wastong paggamit ng wikang Iluko para matulungan ang mga guro,” sinabi ni Baclig.

Sinabi ng pangulo ng GUMIL na sa pakikipag-ugnayan sa DepEd naglunsad ang asosasyon ng mga paligsahan sa pagsulat ng maikling kuwento na pambata at tulang pambata sa Iluko para mailimbag na aklat na gagamitin ng mga batang mag-aaral sa Ilokos at iba pang lalawigan na Iluko ang gamit na wika.

Batay sa pag-aaral ng DepEd, masmabisa ang pagtuturo ng mga araling Kasaysayan, Siyensya at Matematika sa mga batang nasa Kindergarten, Grade 1 hanggang 3 kung gagamit ng dayalektong nakasanayan ng mga batang ito.

Sa nakaraang National GUMIL Convention na naganap sa Don Mariano Marcos Memorial State University (MMMSU) sa Bacnotan, La Union noong Abril 20 to 22 na dinaluhan ng mga Ilokanong manunulat , guro at estudyante mula sa Ilokos, Cagayan Valley, Cordillera Region, Metro Manila, pati sa Hawaii at California sa Amerika, naidiin ang wikang Iluko na magamit sa MLE.

Ang wastong gamit ng Iluko Ortograpia ang lektyur ng manunulat na si Clesencio Rambaud, patnugot ng Bannawag magazine. Si Reynaldo Duque, dating patnugot ng Liwayway at Hall of Fame sa patimpalak Palanca, ang naglektyur tungkol sa pagsulat ng Tulang Iluko at si Manuel Diaz, dating regional director ng Philippine Information Agency-1 at manunulat, ang tumukoy sa pagsusulat ng Maikling Kuwento sa Iluko.

“Napakaganda ang adhikain ng edukasyon sa paggamit ng mother tongue sa pagtuturo para mapanatili ang wikang Iluko sa mga susunod na henerasyon lalo na ngayon na moderno ang teknolohiya na dina masyadong ginagamit ang Iluko sa cell phone at Internet sa mga kabataan,” idiniin ni Baldovino Valdez, dating pangulo ng GUMIL Filipinas.
Ayon din kay DepEd Supervisor Ely Racquel na inihahanda na ng DepEd sa tulong din ng National Commission for Culture and the Arts at KWF ang paglilimbag ng mga aklat pambata na nakasulat sa Iluko na makakatulong sa pagpapatupad ng MLE at programang K+12 sa susunod na pasukan. (ANL/BPP-PIA1 Ilocos Sur)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s