Ilocano News: Guerrero agsagsaganan para ti ASEAN Skills Competition

SIUDAD ITI SAN FERNANDO, La Union, May 9 (PIA) — Madama nga agsagsagana ni Marvin Dale Guerrero a makisalip para ti ASEAN Skills Competition (ASC) inton Nobiembe idiay Indonesia.

Ni Guerero ket maysa a tipikal nga Ilocano nga agnanaed diay ili ti San Juan, Ilocos Sur, maysa nga estudyante iti Systems Technology Institute (STI) College iti siudad ti Vigan ken mangal-ala iti kurso a Computer Hardware Servicing. Isuna ti nangabak idi napalabas a Regional Skills Competition (RSC) a naaramid ditoy.

Kuna ti TESDA 1, structured cabling ken software application ti madama nga araramidenna ita tapno makapagensayo a nasayaat ken mapasayaatna ti kinalaingna manipud ti naudi a coachna ti RSC a ni Geraph D. Aragones, maysa a Laboratory Facilitator, Network Administrant ken part-time Instructor ti STI College iti siudad ti Vigan.

Kuna ni Aragones, awan pay met ti problema a nakitana maipanggep ti panagsanay ni Guerrero ta nagaget, nasirib ken napartak a makasuro.

“Ti maited a trabaho kenkuana ket maararamidna met nga agmaymaysa. No saanna a maawatan isuna a mismo ti agsukisuk sakbay a maipakita kaniak. No malpaskonto a makita ti inaramidna, siak met la ti mangmangted ti sungbatna wenno feedback ket baybay-akon a makitana ti nagbiddutanna tapno makaala ti nasayaat a resulta”, kinuna ni Aragones.

Imbaga pay ni Jane Pablico, Supervising Specialist ti TESDA1 a ti basehanda ti panagpili ti makisalisal para ti makisali ti ASC ket diay nangabak idi napalabas a skills competition a naaramid iti nadumduma a lebel manipud ti probinsiya, rehion ken nasyonal idi napalabas a bulan.

Innayon pay ni Pablico a dua koma ti mangibagi ti Rehiyon 1, kas kadagiti sabali a rehiyon, ngem nadisqualify ti kadua ni Gurrero idi napalabas a National Skills Competition.

Dagiti sumaganad a kategorya ti pagsasalisalan dagiti makisali idiay Indonesia: IT Software Application, Information Network Cabling, Web Design, Electrical Installation Technology, Fashion Design, Electronics, Cooking, Mechanical Engineering CAD, Welding, Automotive, Refrigeration, Mechatronics, Beauty and Therapy, Graphic Design, Restaurant Services, ken dadduma pay.

Information Technology Network Cabling ti pakisalian ni Guerrero.

Dagiti pagilian a makisali ti ASC ket ti Singapore, Thailand, Vietnam, Malaysia, Cambodia, Indonesia, Lao PDR, ken Brunei Darussalam.

Datoy a kompetision ket mangted ti dalan kadagiti makisali tapno maipakitada ti paglainganda ken talento, ta ti TESDA ket agtultuloy ti misyonda a makatulong kadagiti programa nga agturong ti dekalidad nga edukasion, para-teknikal ken skills development.

Datoy a kompetisyon ket makatulong pay a makaawis ti interes iti publiko para ti teknikal nga edukasion pang-bokasional ken maipakpakita ti importansia dagiti suporta ti nadumaduma a sektor.

Kuna pay ni TESDA Director-General Joel Villanueva a datoy a kompetision ket mangipakita iti napintas a pannakikadua ti TESDA dagiti stakeholdersda

Kinuna pay ni Guerrero nga itedna ti amin a kabaelanna ti datoy a kompetision, “Uray no mapresure ak ta saan nga nalaka ti trabaho ngem babaen ti nainget a suportayo ken ti Ama Tayo a Namarsua, ammok maaramid ko datoy”, inyebkasna pay. (ANL/EMR-PIA 1 La Union)

Advertisements

One thought on “Ilocano News: Guerrero agsagsaganan para ti ASEAN Skills Competition

  1. Mafiosi influences, especially and primarily
    inspired by the 1983 remake version of ‘Scarface,’ became
    popular in hip hop. Designer clothes are awesome and they
    are made up of quality stuffs and being a fashion conscious person it is very important to
    have one or two designer dresses for occasions.

    Finding your very own unique style is probably the most challenging aspects of fashion.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s