Ilocano News: 77,713 pamilya nakaawat ti tulong pinansyal wenno ‘cash grant’ manipud DSWD

SIUDAD TI SAN FERNANDO, La Union, Mayo 6 (PIA) — Nakaawat iti tulong pinansyal dagiti benepisiaryo ti Pantawid Pamilyang Pilipino Program (4Ps) manipud ti Department of Social Welfare and Development (DSWD).

Agarup P160.6 milyones ti total a naited kadagiti 77,713 a pamilya manipud ti nadumaduma a probinsiya ditoy rehiyon.

Daytoy nga programa iti 4Ps ket gandatna a makatulong babaen ti pinansiyal nga aspeto, nangnangruna kadagiti marigrigat a Pilipino ken makatulong met tapno mapasayaat ti salun-at da, nutrisyon ken edukasyon a kas maysa nga estratehiya tapno magun-od ti pagilian iti Millennium Development Goals agingga 2016.

Nakaawat ti Pangasinan iti kadakkelan a pondo gapuna ta isuda iti addaan kaadduan a benepisiaryo. Agarup a P103 milyones ti naawat da para maiwaras kadagiti 49,291 a benepisario manipud iti duapulo nga ili.

Adda met ti 8,702 a benepisiaryo para ti ILocos Sur. Nakaawatda ti nasurok a P17.6 a milyones o manipud ti sangapulo ket dua nga ili iti nasao a probinsiya.

Iti probinsiya ti Ilocos Norte, adda ti 11,089 a benepisiaryo a nakaawat ti P22.6 a milyones manipud ti sangapulo ket uppat nga ili. (JCR/EMR-PIA1 La Union)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s